Organiseerders moes vanjaar behoorlik op hul tande kners toe verskeie gaste se uitnodignings teruggetrek moes word op aandrang van die land. Die Fees het soos gewoonlik gesorg vir baie opwinding en belangrike gesprekke oor wêreldwye literatuur.
Die jaarlikse Frankfurtse Boekeskou bly ’n oorrompelende ervaring.
Dis nou te sê as jy hoegenaamd die voordeur haal. Organiseerders het hulself vanjaar uit alle oorde fel kritiek op die hals gehaal met hul uitnodigingspolitiek.
Kort voor die aanvang van die skou word twee kritiese skrywers se uitnoding na ’n simposium teruggetrek nadat China, vanjaar se eregas, stem dikmaak.
Die simposium het gehandel oor die Volksrepubliek se rol in die wêreld. Toe bewys hy dit sommer self. Armdrukker. Ná ’n paar on gemaklike amptelike kuggies van die Duitsers het die stilswye maar voortgeduur en is die problematiek van China se eregasstatus in koffiehoekies, feeskoerante, die enkele ou man met sy plakkaatjie en media-gespreksforums van die openbare TV-sender bespreek.
Fotos te danke aan www.book-fair.com
Please register or log in to comment
